Free iPhone!

Hep, hindi ako namimigay ng cellphone. At hindi ako nakakuha ng iPhone. Gusto ko lang sabihin na kung na-invest mo sana iyong Christmas Bonus mo imbes na ipinambili ng iPhone 5, ang P 30,000+ mo noong 2012 naging PHP 72,000+ na ngayon! Parang naka-libre ka na din ng iPhone diba? May sukli ka pa!

Pero hindi. Binili mo iyung latest iPhone 5. Ngayon, magkano na ang halaga ng cellphone mo?

Gaya nga ng sinabi ko dati, hindi naman masama ang gumastos, huwag lang ito para lagi sa luho. Pero kung gusto mong mas kumita ng pera, mas maganda kung mag-ipon at mag-invest ka na ngayon palang.

Paglilinaw: Ang post na ito ay para sa mga taong wala pang ipon at/o inuuna ang luho kaysa pag-i-invest at paghahanda sa kinabukasan nila -- mga karaniwang inilalarawan ng "ubos-ubos biyaya, bukas nakatunganga." 

Kung ikaw naman ay financially capable na, then go ahead, bumili ka na ng inaasam-asam mong iPhone. Bakit? Because you deserve it. Dahil handa ka na mag-retirong milyonaryo.

Tipid Tip: Magbayad ng Sobra

Huh? Paano naging paraan ng pagtitipid ang pagbayad ng sobra?
Ipapakita ko kung paano ko ito ginagawa. Ito ang bill ko sa internet:

Naka-Plan1299 kami sa Globe para sa internet at landline. Sa bill na ito, makikita niyo na ang balanse ko sa Globe ay PHP -1,025.03. Ibig sabihin, may 'deposit' na akong pera sa bill ko. Parang may ipon na din ako sa kanila. At kung mapapansin ninyo, nagbayad ako ng PHP 1,500.00 imbes na 1,299.00 lang. Para saan? Isa itong paraan ko ng pag-iipon ng pera. Gaya ng sabi ko dati na pakonti-konti lang, na-iipon din ang maliit na halaga. 

Scam Ba ang Pag-Invest sa Stock Market

Natanong mo na ito marahil dahil natatakot ka -- natatakot na maglaho parang bula ang kinita mong pera. Naglipana ang mga scam ngayon dahil marami ang gusto ng mabilisan at madaling paraan ng pagyaman. 

Sa pag-invest sa stock market tulad ng ginagawa sa TrulyRich Club, kasama ang mga payong pinansyal na binibigay nila, mas nakasisiguro akong investment talaga ang ginagawa ko at hindi scam. Boring nga kung ikukumpara mo sa mga 'easy money' scheme na ginagawa ng iba. Ang maganda din sa stock market investment ay hindi mo kailangang pilitin ang iba na sumali, hindi kailangang mag-recruit para lang kumita ng pera at maka-'exit' na. Hinding-hindi ka nanlalamang ng kapwa-tao mo. Malinis ang iyong konsensiya. 

Ano ba ang mga senyales na scam ang pinasok mo? Panoorin mo ang video sa baba:

 Nakuha mo ba ang 'checklist' nila?
1. Nangangako ng malaking kita buwan-buwan habang nasa bahay ka lang.
2. Mag-miyembro sa kumpanya sa pamamagitan ng pagbayad ng membership fee o pagbili ng produkto.
3. Pinag-re-recruit ka ng mga bagong miyembro sa 'business opportunity' na ito.
4. May kumplikadong paraan ng pagbibigay ng "commission" at "marketing plan".
5. Hirap magbenta sa labas ng mga distributors.
6. "Too Good to be True"

Seaman Ka Ba at Malapit ng Mag-Retiro?

Dahil miyembro ako ng Truly Rich Club ni Bo Sanchez, regular ako nakaka-tanggap sa email ng mga gabay sa pag-i-invest. At bukod dito, minsan ay may mga inspirational messages siya para panatilihin ako sa tamang mindset at tuloy-tuloy ang pag-invest.

Sa TrulyRichClub.com, may mapapanood kayong video ngayon. At bahagi nito ay ang kuwento ng isang retiradong seaman at kaniyang asawa. 
 

Ito rin ang madalas na trahedya ng mga OFW. Lumalabas ng bansa para kumita ng malaki, aasa sa pension, at kapag nagkasakit, mangungutang na lang ng pambayad sa ospital at gamot. Nakakalungkot diba?

Bumaba ang Stock Market! NAKU!

Siguro kung nagsimula ka na mag-invest, isang napakalaking "NAKU!" ang nasambit mo nang nabalitaan mong bumaba ng 150 points ang Philippine Stock Market kahapon.

Ako? Isa lang ang nasambit ko. "SAYANG!"

Bakit? Dahil na-miss ko ang Sale ng stocks. Nag-invest na ako noong Lunes palang kaya nanghinayang ako.  Pero di ko masyadong dinibdib. Dahil hindi naman natin tina-timing-an ang stock market. Ang plano naten ay tuloy-tuloy na pag-iinvest. Bakit ulit? Dahil mas malaki ang pagkakataong malugi ang iyong ini-invest kung ang plano mo ay timing-an ang stock market. Marahil makaka-tiyempo ka ng malaking kita paminsan-minsan. Pero hindi araw-araw. 

Gaya ng lotto, mas malaki ang isusugal, mas malaki ang pagkakataong manalo. Pero kung laging isusugal ang malaking pera, malulugi ka lang. 

Kaya tuloy lang tayo, brad, sis, ate, kuya, mare, pards, tatay, nanay, auntie, uncle... tuloy tayo sa pag-i-invest sa kinabukasan para sa ating pagreretiro.

Self-update: Tatay na po ako!

Unang-una, matagal-tagal din ako hindi nakapag-update ng blog ko dito. Ito ay sa kadahilanang ako'y nanganak na... este si misis pala ang nanganak! Kaya nanahimik ang mga 'payo' at kuwento ko dito sa pagbabahagi ko ng aking investing journey tungo sa pagreretirong mayaman at milyonaryo.

 
Magandang pagkakataon ito upang ikuwento ko kung paano pinaghahandaan ang mga ganitong pangyayari na hindi inaasahan. At maipapakita ko din marahil ang kahalagahan ng pag-set-aside ng 'Emergency Fund' para sa mga biglaang pangyayaring hindi inaasahan. 

Takot sa Stock Market

Marami na akong nakaka-usap tungkol sa pag-i-invest sa stock market. Bukod sa tinatamad o walang puhunan, ang pinaka-madalas na gawing palusot o excuse nila para mag-simulang mag-invest ay TAKOT. 

Bakit, aswang ba ang stock market?

 
Palagay ko ay ganito lang ang nangyayari: may magku-kuwento sa kanila na, "Ay, oo! Si Pedro, nag-invest sa stock market. Nawala lahat ng ipon niya! Delikado yan!" 

O di kaya: "Peperahan ka lang niyan. Parang networking/insurance lang gagawin sa'yo. Pagkatapos ng sampung taon na nagbabayad ka buwan-buwan, mawawala parang bula/malulugi yang kumpanyang yan. Mawawala lang pera mo."

Kayo ba, may mga alam kayong takot sa pag-i-invest sa stock market? Bakit sila takot mag-invest? Ano ang dahilan bakit sila nag-a-alinlangan? 

Mag-retirong gaya ni Juan Mayaman!

May nakita akong video sa YouTube kamakailan na sobrang ikinatuwa ko at na-i-share ko sa mga ka-opisina ko. Tuwang-tuwa at tawang-tawa sila dahil sobrang nakaka-relate daw sila sa mga naka-describe sa video. Kaya gusto ko din itong i-share sa inyo sa baba. 

Tungkol ito sa madalas na naririnig na tanong na 'Bakit ang mahirap, lalong naghihirap at ang mayaman ay lalong yumayaman?' Saan nga ba napupunta ang pera ni Juan dela Cruz? Sa video, hinati nito ang mamamayan ng ating bansa sa tatlong uri ng Pilipino: 1.) si Juan Mahirap; 2.) si Juan Middle Class at 3.) si Juan Mayaman. Susubukan kong i-summarize ang video kung mabagal ang internet sa bahay niyo. :D

Mali yatang Juan Dela Cruz ito. Hehe.

Si Juan Mahirap ay posibleng may trabaho pero kadalasa'y contractual o walang kasiguruhan ang trabaho kaya tinitiis ang trapik at taas-pamasahe papunta sa pinapasukang trabaho kahit minimum wage o mas mababa pa ang kita. Dahil sa hirap at pagod na dinadanas sa trabaho, gusto i-reward ang sarili sa maliit na bagay: sale, ukay-ukay, o Jollibee. Hindi naiisip magtabi ng pera para sa savings o pang-puhunan sa negosyo. Kaya pag may emergency o nagkasakit, uutang na lang. At iyon na ang simula ng ikot ng suweldo -> bayad utang -> kakapusin -> mangungutang -> suweldo... 

"Tumaas ang Pamasahe sa MRT at LRT! Makaka-ipon pa ba ako nito?"

Alam ko ang pakiramdam mo, kaibigan. Ang dating P100 na Stored Value Card na nagagamit ko ng 1 week ay pang-3 araw na lang. Kulang pa ng 1 biyahe. Hay, buhay nga naman... So ang dating P100 sa isang linggo ay nagiging P200 na. So total ay P400 sa dalawang linggo o walong daang piso (P800) kada buwan mula sa P400 lang. Dumoble ang gastos sa pamasahe! 

Aray ko po. 

Paano na ang pag-iipon?