Paano Bumili ng Kumpanya?

"Whaaaaaat?! Empleyado lang, bibili ng kumpanya? Wehhh????"

Huwag kang magulat! Hindi ako nagbibiro. Hindi rin kita niloloko. Nakabili ako ng kumpanya, mura lang... P259.00 Ano'ng kumpanya? Meralco lang naman. 

Oo. Nakabili ako ng parte ng Meralco sa P259.00 lang kada share. Ang total na gastos? P2,590.00 para sa 10 shares.

Paano nangyari iyon? Una, binasa ko muna ito'ng libro ni Bro. Bo: "My Maid Invests in the Stock Market". (Puwede mo din ito'ng i-download ng libre!) Pagkatapos noon ay nag-basa pa ako ng ibang libro tungkol sa pag-aayos ng pinansyal na kaalaman. At sa huli ay sumali ako sa Truly Rich Club. Dito tinuruan nila ako paano mag-bukas ng account sa COL Financial (o dating CitisecOnline), paano ito pondohan, at paano bumili ng stocks. Madami na ang nagawang websites tungkol doon kaya di ko na ituturo sa inyo. I-li-link ko na lang kayo sa kanila. Mas magaling at madali silang mag-sulat eh! :) 

Paano mag-open ng COL (Citisec Online) Account?

Paano mag-transfer ng pera sa COL Account ko?

Paano bumili ng kumpanya/paano bumili ng stocks?

 
Sundan niyo lang ang instructions nila at kasama na namin kayo na naghahanda para sa pagreretirong milyonaryo!

Paano Dapat Hati-hatiin ang Suweldo

Ngayong alam mo na din ang tamang paraan ng pag-iipon, handa ka na maglaan ng parte ng suweldo mo buwan-buwan sa pagre-retiro mo. Ang iniisip mo marahil ay, "magkano ba dapat ang itatabi ko sa suweldo ko?"

Isa sa natutunan ko kay Bo Sanchez sa Truly Rich Club ay ang "10-20-70 Rule": hahatiin mo lang ang suweldo mo sa 10% para pang-tulong, 20% para sa ipon, at 70% sa mga gastusin mo. Ito ay isang mas konkretong halimbawa ng "living below your means" na ang ibig sabihin ay hindi buong suweldo mo o higit pa ang nagagastos mo buwan-buwan.

Public Service: Philippine Lotto Results

Sa gusto natin yumaman agad-agad, kadalasan ay tumataya ang tao sa lotto. Pero kung nagiging dahilan ito para hindi ka na maka-ipon, palagay ko'y nakaka-sama na ito sa iyo.

Tumataya din ako sa lotto pero hindi araw-araw o linggo-linggo. Tumataya lang ako kapag na-i-tabi ko na ang para sa savings ko at may sobra sa mga gastusin ko. O di kaya'y isa-sakripisyo ko ang isang bagay (hindi magsa-Starbucks ngayong linggo) para may pang-taya ako kung gustong-gusto ko talagang tumaya dahil malaki ang premyo. Ang bottomline lang ay tumataya ako dahil gusto kong mag-libang sa pagtaya at pag-abang sa draw at hindi ko nilalagay ang pera ko sa peligro. "Sakto lang." ika nga. Alam ko ano ang priorities ko -- prayoridad ko ang pagreretiro ko ng kumportable at walang inaalala.

Bago ako tumaya, sinisigurado ko na nakapag-invest na ako.

Nag-lagay ako ng Lotto Results Philippines sa kanang bahagi ng blog para sa mga gustong subaybayan ang kanilang mga itinataya sa lotto. Nawa'y makatulong ito para madaling makita kung milyonaryo na nga kayo o hindi.

Madali Lang Mag-ipon ng Pera

"Madali lang iyan!"

Malamang ay kagaya mo rin ako. Isang empleyadong buwan-buwan lang tumatanggap ng sahod. Baka naman OFW ka na kating-kati na umuwi at sawa na sa pagta-trabaho sa Dubai, Qatar, UK, Australia, o US. At ang gusto mo na lang gawin e mag-retiro pero wala ka pang ipon. Or kulang pa ang ipon mo.

Bakit? Huhulaan ko.

"Hello, Ma? Kumusta ang UK? Kumusta mga inaalagaan mo sa ospital? Ma, may field trip kami sa school. Kailangan ng pamasahe at baon."

o kaya...

Tama at Maling Paraan ng Pag-iipon

Karamihan sa mga tao ay mali ang paraan ng pag-iipon. Natutunan ko din sa internet na kadalasan, hindi naman nasusunod ng karaniwang Pinoy ang mga budget na ginagawa nila. Parang New Year's Resolution lang... laging napapako. Kaya taon-taon din ang #BalikAlindog program nila.

Tatanungin ninyo ako ngayon, "Ano ba ang mali sa paraan ko ng pag-iipon?"

Kadalasan ay ganito ang ginagawa nating style pag-iipon: